Պուտինն ու Ալիևը քննարկել են իրավիճակը Հարավային Կովկասում

Նախօրեին ուշ երեկոյան ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, հայտնում է Կրեմլի մամուլի ծառայությունը։

«Քննարկվել են գործնական քայլեր՝ ուղղված Հարավային Կովկասում անվտանգության և կայունության ապահովմանը Ռուսաստանի, Ադրբեջանի և Հայաստանի ղեկավարների միջև հայտնի եռակողմ պայմանավորվածություններին համապատասխան։

Մտքերի փոխանակում է տեղի ունեցել նաև տարածաշրջանում տրանսպորտային, լոգիստիկ և տնտեսական կապերի զարգացման շուրջ»,- ասվում է զեկույցում։