Ադրբեջանը նոր սադրանքներ և հարձակումներ է նախապատրաստում. Մարուքյան

Ադրբեջանը նոր սադրանքներ և հարձակումներ է նախապատրաստում, միջազգային հանրությունը պետք է թույլ չտա Հայաստանի և ԼՂ-ի դեմ հարձակումները։

Twitter-ում գրել է Հայաստանի հատուկ հանձնարարություններով դեսպան Էդմոն Մարուքյանը։

«Երեկ Ադրբեջանի դիվերսիոն խմբի կողմից իրականացված հարձակումը վերջին նորությունը չէ։ Այսօր Ադրբեջանը կեղծ տեղեկություններ է տարածում հայկական դիրքերից արձակված կրակոցների մասին։ Ինչպես միշտ՝ Ադրբեջանը նման ստեր է տարածում նոր սադրանքների կամ գրոհների նախապատրաստվելիս։ Միջազգային հանրությունը պետք է թույլ չտա Հայաստանի ու Լեռնային Ղարաբաղի դեմ նոր գրոհները»,- գրել է նա։