Դեկտեմբերի 17-ին Ստեփանակերտում մեծ հանրահավաք կլինի․Ռուբեն Վարդանյանը կոչ է արել բոլորին

Դեկտեմբերի 17-ին Ստեփանակերտում մեծ հանրահավաք կլինի:

Այս մասին Facebook-ի իր լայվում հայտարարեց Արցախի պետնախարար Ռուբեն Վարդանյանը:

«Վաղը ես հայտարարում եմ հանրահավաք, որը պետք է անենք Ստեփանակերտում ժամը 3-ին: Կոչ եմ անում բոլորին մասնակցել այդ հանրահավաքին, որ ցույց տանք մեր ուժը, ցույց տանք, որ միասին ենք, որ արցախցին մեծ ուժ է: Իհարկե, մենք դեռ երկար ճանապարհ ունենք անցնելու մեր անկախության, մեր անվտանգության, մեր զարգացման ծրագրերն իրականացնելու մեջ, բայց մենք ուրիշ ձեւ չենք կարող հաղթանակի հասնել, եթե իրար հետ միասին ազնիվ ու արդար չլինենք, բոլորս նույն պայմաններով չաշխատենք»: