Մակրոնի հայերենով գրառումներին չսպասելիս. Անդրանիկ Թևանյան

ԱԺ "Հայաստան" խմբակցության պատգամավոր Անդրանիկ Թևանյանը գրում է.

"ԵՄ դիտորդների մշտադիտարկումները ադրբեջանական ագրեսիան վերացրեցի՞ն։ Ադրբեջանը Հայաստանի վրա կրակում է և դրան ի պատասխան Արևմուտքը պատժամիջոցնե՞ր է կիրառում Ադրբեջանի դեմ։ Արևմտյան երկրները չեն շնորհավորո՞ւմ Ալիևին։

Ի դեպ, Ֆրանսիայի նախագահ Մակրոնը թուրքերենով գրառում է արել Ստամբուլում տեղի ունեցած ահաբեկչության առիթով։ Թուրքերեն չեմ հասկանում, բայց ենթադրվում է, որ գրառումը ցավակցական բնույթի է։ Սա Արևմուտքի փափուկ ուժն է։

44–օրյա պատերազմի օրերին ֆրանսիացիք հայերենով էին գրառում անում։ Մեջն ի՞նչ։

Ֆրանսիան մեր բարեկամն է, բայց անվտանգության հարցերում զրո ազդեցություն ու հնարավորություն ունի։ Այնպես որ հեչ չէի ուզենա, որ Մակրոնը հայերենով «թվիթ» աներ"։