Վիրավորում ստացած քաղաքացիական անձանց թիվն ավելացել է. մեկի վիճակը բավական ծանր է. ԱՆ

Քաղաքացիական բնակչության շրջանում Ադրբեջանի ԶՈՒ կողմից բնակավայրերի ուղղությամբ հրետակոծության հետևանքով վիրավորում ստացած անձանց թիվը հասել է 7-ի։ Այս մասին լրագրողների հետ զրույցում հայտնեց ՀՀ առողջապահության նախարար Անահիտ Ավանեսյանը։

Նրա խոսքով բոլոր վիրավոր քաղաքացիները՝ և՛ զինծառայողները, և՛ քաղաքացիական անձինք բուժօգնություն են ստանում հանրապետության բժշկական կենտրոններում և զինվորական հոսպիտալներում։

Վիրավորներից մեկի վիճակը, ինչպես նշեց նախարար Ավանեսյանը, բավականին ծանր է, բժիշկներն էլ ամեն ինչ անում են նրա կյանքը փրկելու համար։  

Նշենք, որ մինչ այս պահը ո՛չ ՊՆ-ն, ո՛չ Առողջապահությանը նախարարությունը չեն հրապարակել Ադրբեջանի հարձակման հետևանքով վիրավորների հստակ թիվ: