ՌԴ-ն, ԱՄՆ-ն և Ֆրանսիան պատրաստ են ընդունել Հայաստանի և Ադրբեջանի նախագահների հաջորդ հանդիպումը

ՌԴ-ն, ԱՄՆ-ն և Ֆրանսիան պատրաստ են ընդունել Հայաստանի և Ադրբեջանի նախագահների կամ արտաքին գործերի նախարարների հաջորդ հանդիպումը: Այս մասին ասված է ԵԱՀԿ Մինսկի խմբի հայտարարությունում:

ՌԻԱ Նովոստիի հաղորդմամբ, Մինսկի խմբի համանախագահներ Իգոր Պոպովը (Ռուսաստան), Պիեր Անդրիոն (Ֆրանսիա) և Ջեյմս Ուորլիքը (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպշիկը Նյու Յորքում ՄԱԿ-ի Գլխավոր ասամբլեայի շրջանակում առանձին հանդիպումներ են անցկացրել Հայաստանի և Ադրբեջանի արտաքին գործերի նախարարների հետ:

Նշվում է նաև, որ համանախագահները մոտ ապագայում կայցելեն տարածաշրջան: