Ժոզեպ Բորելը ողջունել է Նիկոլ Փաշինյանի և Իլհամ Ալիևի հանդիպումը

Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորելը ողջունել է Բրյուսելում նախօրեին Շառլ Միշելի միջնորդությամբ Նիկոլ Փաշինյանի և Իլհամ Ալիևի կայացած հանդիպումը։  

Twitter-ի իր միկրոբլոգում նա ևս կարևորել է խաղաղության համաձայնագրի հարցում առաջընթաց գրանցելու աշխատանքի շարունակականությունն ու ջանքերը մարդասիրական և կապի ոլորտներում։

«ԵՄ-ն շարունակում է լիարժեքորեն ներգրավված լինել՝ հանուն խաղաղ, անվտանգ ու բարեկեցիկ Հարավային Կովկասի»,- հավելել է նա։