Հեղուկ գազը կթանկանա

Հեղուկ գազը կթանկանա: Այս "ուրախալի" լուրը  լրագրողներին այսօր հայտնեց «Հայաստան» խմբակցության պատգամավոր Թադևոս Ավետիսյանը՝ նշելով, որ դրան են նպաստում երեք հիմնական գործոնները:

Առաջինն այն է, որ Հայաստանը հեղուկ գազ չունի և ներկրում է, իսկ այդ շուկաներում կա որոշակի թանկացում։ Որպես երկրորդ գործոն պատգամավորը նշեց այն,  որ Հայաստանի շուկան փոքր է, բայց պահպանվում է ներկրման բարձր մենաշնորհացման աստիճանը։

"Երրորդ գործոնն էլ բարձր մենաշնորհացման շուկաների նկատմամբ վերահսկողական մարմնի հսկողությունն է",- ասաց պատգամավորը։

Նշենք, որ պաշտոնական տվյալների համաձայն՝ 2021 թվականի առաջին կիսամյակում տարեկան կտրվածքով հեղուկ գազի մատակարարումներն ավելացել են 60,6 տոկոսով՝ մինչև 34 963,6 տոննա: Հեղուկ գազը Հայաստան է բերվում Ռուսաստանից (27,7 տոկոս), Իրանից (61,3 տոկոս) և Իրաքից (11 տոկոս):