ԵԱՏՄ երկրները մշակում են էլեկտրոնային առևտրում սպառողների պաշտպանության մեխանիզմներ

Սպառողների իրավունքների պաշտպանության մեխանիզմների կատարելագործման, էլեկտրոնային առևտրի ոլորտում բիզնեսի և քաղաքացիների փոխգործակցության թափանցիկ կանոնների մշակման հարցերը քննարկվել են Եվրասիական տնտեսական հանձնաժողովի կողմից Բելառուսի հակամենաշնորհային կարգավորման և առևտրի նախարարության հետ համատեղ կազմակերպված կլոր սեղանի մասնակիցների կողմից:


ԵՏՀ մամուլի ծառայությունը տեղեկացնում է, որ ԵՏՀ սանիտարական, բուսասանիտարական և անասնաբուժական միջոցների վարչության տնօրեն Նատալյա Ժուկովան պատմել է Հանձնաժողովի տեխնիկական կարգավորման հարցերով բլոկի մեծ աշխատանքի մասին, որն իրականացվում է սպառողների իրավունքների հավասար պաշտպանության և միության տարածքում առցանց ձեռք բերվող սպառողական ապրանքների և ծառայությունների անվտանգության ապահովման համար պայմանների ստեղծման նպատակով:


«Էլեկտրոնային առեւտրի ոլորտում հատուկ նշանակություն են ձեռք բերում բիզնեսի բարեխիղճ գործունեության ստանդարտների եւ օրենսգրքերի ներդրման հարցերը։ Ընթացիկ տարում, մինչեւ 2025 թվականը ԵԱՏՄ-ի զարգացման ռազմավարական ուղղությունների իրագործման շրջանակներում, Հանձնաժողովը սահմանել է սպառողների նկատմամբ բարեխիղճ գործարար պրակտիկայի սկզբունքներն ու չափանիշները, որոնց զարգացումը մենք տեսնում ենք ինտերնետ – առեւտրի ոլորտի ինքնակարգավորմանն ուղղված կամավոր ստանդարտների եւ օրենսգրքերի ներդրման մեջ», - նշել է Նատալյա Ժուկովան:


Նրա խոսքով՝ հանձնաժողովի հարթակում աշխատանքներ են տարվում էլեկտրոնային առեւտրի ոլորտում միջազգային պայմանագրի նախագծի նախապատրաստման ուղղությամբ, որը պետք է կարգավորի իրավական բացերը եւ պայմաններ ստեղծի այդ ոլորտում քաղաքացիների սպառողական իրավունքների պաշտպանության օպտիմալ մեխանիզմի ներդրման համար:


Կլոր սեղանի աշխատանքներին մասնակցել են էլեկտրոնային առևտրի ոլորտում գործունեություն իրականացնող պետական մարմինների, բիզնեսի, Եվրասիական տնտեսական միության երկրների հասարակական սպառողական կազմակերպությունների, Իսրայելի պետության ներկայացուցիչներ, ինչպես նաև միջազգային փորձագետներ, այդ թվում՝ Միավորված ազգերի կազմակերպության Առևտրի և զարգացման համաժողովի ներկայացուցիչներ:


Ողջույնի խոսքով կլոր սեղանի մասնակիցներին է դիմել Բելառուսի հակամենաշնորհային կարգավորման և առևտրի փոխնախարար Օքսանա Կոնստանտինովիչը: Նա կարևորել է էլեկտրոնային առևտրի ոլորտում սպառողների իրավունքների պաշտպանության արդիական հարցերի լայնաֆորմատ և համակողմանի քննարկման անցկացումը և ժամանակին:


Քննարկման մասնակիցները համոզմունք հայտնեցին, որ կայացած քննարկման արդյունքները կդրվեն էլեկտրոնային առևտրի ոլորտում աշխատող քաղաքացիների իրավունքների և շահերի պաշտպանությանն ուղղված միջպետական գործուն մեխանիզմների ձևավորման հիմքում:


 

Տպել

Թեմայի այլ նորություններ
Загрузка...