ԱԽՔ Արմեն Գրիգորյանի արկածները Վաշինգտոնում. բացահայտում է քաղաքագետը

Հայաստանի Անվտանգության խորհրդի քարտուղարը Վաշինգտոնում իր գործընկերոջ հետ հանդիպման ժամանակ Լեռնային Ղարաբաղի կարգավիճակի, ռազմագերիների, Հայաստանի խախտված տարածքային ամբողջականության, թուրք-ադրբեջանական ագրեսիայի մասին հարցեր առաջ չի քաշել: Այս մասին գրում է քաղաքագետ Սուրեն Սարգսյանը:

Ըստ նրա՝ Արմեն Գրիգորյանը չի խոսել նաև 907-րդ բանաձևի մասին:

"Արմեն Գրիգորյանը Ջեյք Սալիվանին հանդիպել է ոչ թե Սպիտակ Տանը, ինչպես հայտնում էր ԱԽ-ն, այլ Էյզենհաուերի անվան կառավարական մասնաշենքում: Սպիտակ Տանը հյուրեր սովորաբար ընդունում է նախագահը և փոխնախագահը:

Հ.Գ. Արմեն Գրիգորյանը հանդիպել է ոչ թե Պետքարտուղարի ՏԵՂԱԿԱԼԻ պաշտոնակատարին, այլ պետքարտուղարի ՕԳՆԱԿԱՆԻ պաշտոնկատարին",- գրել է Սուրեն Սարգսյանը Facebook-ի իր էջում: