Մոսկվան արեւմտյան երկրներին նախազգուշացնում է զերծ մնալ Սիրային նոր հարվածներ հասցնելու մտադրությունից՝ Դամասկոսի կողմից քիմիական զենքի հնարավոր գործածման պատրվակով։ Այս մասին, ինպես տեղեկացնում է ՏԱՍՍ-ը, ՄԱԿ ԱԽ նիստում հայտարարել է ՌԴ ԱԳ նախարար Սերգեյ Լավրովը։«Տագնապային իրավիճակ է ստեղծվել նաեւ քիմիական զենքի զինաթափման հարցում՝ առաջին հերթին կապված արեւմտյան մի շարք երկրների գործողությունների հետ, որոնք թունավոր արգելված միջոցների օգտագործման նորանոր անապացույց մեղադրանքներ են ներկայացնում սիրիական իշխանություններին»,- ասել է Լավրովը՝ հավելելով, որ իրենք նախազգուշացնում են զերծ մնալ շինծու հիմնավորումներով Սիրիային հարվածելու մտադրությունից։Արտգործնախարարը նաեւ խոսել է զանգվածային ոչնչացման միջոցներն ահաբեկիչներին տրամադրելու փաստերի մասին եւ առաջարկել է մանրամասն հետաքննել դրանք։
