Թուրքիան շուրջ 2 շաբաթվա ընթացքում պետք է կողմնորոշվի ամերիկյան F-35 կործանիչներ ձեռք բերելքւ հարցում՝ ռուսական C-400 ԶՀՀ-ների փոխարեն։ Հակառակ պարագայում նրան բացասական հետևանքներ են սպասվում, հաղորդում է CNBC հեռուստաալիքը։Պետքարտուղարության աղբյուրի համաձայն՝ Վաշինգտոնն Անկարայից պահանջում է առաջին շաբաթվա ավարտին չեղարկել C-400-ներ ձեռք բերելու որոշումը։«ՆԱՏՕ-ի երկրներին անհրաժեշտ է տեխնիկա մատակարարել, որը կհամապատասխանի ՆԱՏՕ-ի համակարգերին։ Ռուսական սարքավորումներն այդ չափանիշներին չեն համապատասխանում»,-ասել են պետքարտուղարությունում։«Մենք ընդգծում ենք, որ Թուրքիան իրական բացասական հետևանքների հետ կբախվի, եթե ավարտին հասցնի C-400-ների ձեռքբերումը»,- հավելել է աղբյուրը։
