ՀՀ ԳԱԱ գիտակրթական միջազգային կենտրոնը շարունակում է ուսումնական գործընթացը հեռավար
ՀՀ ԳԱԱ գիտակրթական միջազգային կենտրոնը հեռավար հարթակում շարունակում է բարձր մակարդակի վրա պահել կրթությունը:
Գիտության և տեխնիկայի զարգացման ներկա փուլում և աշխարհում ստեղծված ճգնաժամային իրավիճակում շատ արդիական և առաջնահերթ է հեռավար ուսուցումը, որը հնարավորություն է տալիս ստանալ համապատասխան կրթություն կամ մասնակցել դասընթացներին առցանց՝ ցանկացած վայրից և ցանկացած ժամերի՝ միաժամանակ մեկուսանալով և խուսափելով մարդկային շփումներից: ՀՀ ԳԱԱ գիտակրթական միջազգային կենտրոնը, դեռևս 2013 թվականից ներդնելով տեխնիկապես ապահովված հեռավար ուսուցման հարթակ և լինելով առաջիններից մեկը հեռավար կրթության կազմակերպման գործում, ելնելով երկրում տիրող արտակարգ իրավիճակից, հեռավար հարթակում ակտիվ կերպով շարունակում է ուսումնական գործընթացը: Նշենք, որ ՀՀ ԳԱԱ գիտակրթական միջազգային կենտրոնը լիովին պատրաստ է իրականացնել հեռավար ուսուցում.• կենտրոնում ներդրված է տեխնիկապես ապահովված հեռավար ուսուցման հարթակ,• առցանց գիտաժողովի դահլիճը վերազինված է Polycom HDX համակարգով, որը հնարավորություն է տալիս կազմակերպել հեռավար դասախոսություններ, գիտական կոնֆերանսներ և այլ միջոցառումներ,• առցանց դասախոսությունները կազմակերպվում են տեսակոնֆերանսների համար նախատեսված հատուկ ծրագրով, որը ինտեգրված է հեռավար հարթակում,• ԳԿՄԿ մասնագետները վերապատրաստվել են արտասահմանյան գործընկեր հեղինակավոր բուհերում,• կազմվել է ուսանողակենտրոն ուսումնական ծրագրերի ցանկ,• ձեռք է բերվել համապատասխան նորագույն մասնագիտական գրականություն,• ընտրված ծրագրերը և հարակից նյութերը տեղադրվել են ԳԿՄԿ հեռավար ուսուցման հարթակում,• հայերեն է թարգմանվել «ՄՈՒԴԼ» հեռավար ուսուցման հարթակը,• պատրաստվել են դասախոսների և ուսանողների հայալեզու ուղեցույցներ:Թե՛ ուսանողները, թե՛ դասախոսները մեծ եռանդ և պատրաստակամություն են ցուցաբերում: Նրանք կարող են տեխնիկական առցանց աջակցություն ստանալ անմիջապես հեռավար հարթակում: Դասախոսներն ու հարթակի համակարգողները ջանք և եռանդ չեն խնայում կրթության որակը բարձ մակարդակի վրա պահելու և զգալի արդյունքի հասնելու համար:ՀՀ ԳԱԱ գիտակրթական միջազգային կենտրոնը, անհրաժեշտության պարագայում, մշտապես պատրաստ է հանրակրթության ոլորտում հեռավար կրթության հիմունքներ և հեռավար ձևաչափով դասընթացներ մշակելու և անցկացնելու ուղղությամբ:
