Երևանի քաղաքապետ Տիգրան Ավինյանն իր սեփական միջոցներից համայնքային բյուջե է վերադարձրել ԱՄՆ վերջին գործուղման թռիչքի ծախսերը՝ 7 միլիոն 650 հազար դրամ։ Այս մասին հայտնել է քաղաքապետի մամուլի խոսնակ Հայկ Կոստանյանը։ Մամուլի խոսնակի փոխանցմամբ, քաղաքապետը նաև հանձնարարել է մանրամասն ուսումնասիրել ավիատոմսերի ձեռքբերման գործընթացը՝ պարզելու համար այդ ծախսերի համար պատասխանատու անձանց։ Ուսումնասիրության արդյունքները կներկայացվեն հանրությանը լրացուցիչ։
