ԱՄՆ Կոնգրեսի անդամ, «Հայաստանյան խումբ» նախաձեռնության փոխնախագահ Բրեդ Շերմանը հայտնել է իր խոր մտահոգությունը՝ կապված Հայաստանում ընդդիմադիր գործիչների, այդ թվում՝ Սամվել Կարապետյանի, ինչպես նաև Հայ Առաքելական Եկեղեցու հոգևորականների վերջին ձերբակալությունների հետ։ «Մեր հարաբերությունները Հայաստանի հետ կառուցված են ժողովրդավարությանն անսակարկ նվիրվածության վրա»,- նշել է Շերմանը։ Նա հայտնել է, որ այս մտահոգությունները այսօր փոխանցել է Հայաստանի դեսպան Լիլիթ Մակունցին։
