Հոկտեմբերի 31-ին ՀՀ Ազգային ժողովն ընդունել է օրենք, որը թույլ է տալիս նախկին սպաներին վերսկսել զինվորական ծառայությունը՝ առանց կորցնելու երկարամյա ծառայության կենսաթոշակային վճարումները:Օրինագիծը միաձայն հավանության է արժանացել 77 պատգամավորների կողմից երկրորդ և վերջնական ընթերցմամբ: Պաշտպանության նախարար Սուրեն Պապիկյանի խոսքով, նոր օրենքը միտված է պահեստազորից որակյալ կադրերի ներգրավմանը սահմանամերձ զորամասերում և հատուկ նշանակության ստորաբաժանումներում ծառայելու համար: Նախարարը նշել է, որ կադրերի ամենամեծ պակասը նկատվում է դասակների, վաշտերի և գումարտակների հրամանատարական կազմում: Ընդունված փոփոխությունները պետք է օգնեն լուծել այս խնդիրը:
