Խորը մտահոգություն են առաջացնում Ադրբեջանի կողմից հայ զինծառայողների գերեվարման եւ հայերի մահվան մասին հաղորդագրությունները։ Այս մասին Twitter-ի իր միկրոբլոգում գրել է ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը։ «Ադրբեջանին տրամադրվող ռազմական աջակցությունն օգնում է իրականացնել էթնիկ հայերի դեմ այդ ստոր գործողությունները։ Ժամանակն է փոփոխություն կատարել ազգային պաշտպանության մասին օրենքում և կրճատել այդ օգնությունը», - գրել է Մենենդեսը։
