Բելառուսում Հայաստանի Հանրապետության դեսպանությունում փետրվարի 14-ին կայացավ դեսպան Ռազմիկ Խումարյանի հանդիպումը Ռուսաստանի Դաշնության նորանշանակ դեսպան Բորիս Գրիզլովի հետ։ Ծավալված անկեղծ զրույցի ընթացքում զրուցակիցներն անդրադարձան հայ-ռուսական երկկողմ հարաբերություններին առնչվող հարցերի լայն շրջանակի։ Առանձին անդրադարձ արվեց արցախյան հիմնահարցին և դրա համատեքստում՝ 44-օրյա պատերազմից հետո տարածաշրջանում խաղաղության և անվտանգության ապահովմանն ուղղված ՌԴ ջանքերին։ Դաշնակից երկու պետությունների դեսպանները քննարկեցին նաև Բելառուսում Հայաստանի և Ռուսաստանի դեսպանությունների միջև համագործակցությանն ու աշխատանքային սերտ շփումներին առնչվող հարցեր։
