Հայտարարվել են Հայաստանում Թուրքիայի քաղաքացիների անշարժ գույքի վերաբերյալ տվյալները։ Ընդհանուր առմամբ, 2002 թվականից մինչ օրս Թուրքիայի քաղաքացիները Հայաստանում ունեն 72 անշարժ գույք։ Այս մասին այսօր՝ մարտի 28-ին, հայտարարեց Հայաստանի կադաստրի կոմիտեի նախագահ Սուրեն Թովմասյանը։ Թովմասյանը պարզաբանեց, որ անշարժ գույքի մեծ մասը բնակարաններ են, մյուս մասը՝ հասարակական փոքր օբյեկտներ և այլն։ «Մենք սրա հետ կապված խնդիրներ չենք տեսնում»,- ասաց Թովմասյանը։ VERELQ-ը հիշեցնում է, որ ավելի վաղ էկոնոմիկայի նախարար Վահան Քերոբյանն ասել էր, որ թուրքերը Հայաստանում անշարժ գույք ունեն, սակայն նրանց մեջ ռազմավարական նշանակության օբյեկտներ չկան։
