Այս րոպեներին անհետ կորած զինծառայողների մի խումբ ծնողներ կառավարությունում հանդիպում են ՀՀ վարչապետի պաշտոնակատար Նիկոլ Փաշինյանի հետ: Վարչապետի օգնական Նաիրի Սարգսյանը տեղեկացրեց լրագրողներին, որ հանդիպումը խնդրել են զինծառայողների ծնողները: Նա նաև խոսեց ՀՀ նախկին նախագահ Սերժ Սարգսյանի կողմից հրապարակած փաստաթղթի մասին, համաձայն որի՝ անհետ կորածների թիվը 1064 է: Նաիրի Սարգսյանի խոսքով՝ այս պահին նրանց թիվը 275 է, իսկ 1000-ից ավելի անհետ կորածներ եղել են նոյեմբերի սկզբին: Անցած ամիսների ընթացքում, պարզաբանեց նա, ԴՆԹ հետազոտությունների արդյունքում դիեր հայտնաբերվեցին՝ ավելի քան 800 անհետ կորածների մարմինները նույնականացվել են, նրանք հուղարկավորվել են: Ավելի վաղ Սերժ Սարգսյանի ներկայացրած տվյալը հերքել էր նաև Քննչական կոմիտեն: