Մայիսի 6-ին՝ ժամը 12։00-ին, Կարեն Դեմիրճյանի անվան Երևանի մետրոպոլիտենի «Մարշալ Բաղրամյան» կայարանում տեղի կունենա «Հայրենական Մեծ Պատերազմը և Երևանը» թեմատիկ լուսանկարչական ցուցահանդեսի բացման արարողությունը։Լուսանկարներում կներկայացվի Երևանը պատերազմական տարիներին, դրվագներ քաղաքային կյանքից, նամակներ ռազմաճակատից և Հայրենական մեծ պատերազմի հերոսների պորտրետներ։ Ցուցահանդեսը նախաձեռնել է Երևանում «Դոմ Մոսկվի» կենտրոնը և Երևանի պատմության թանգարանը՝ Քաղաքապետարանի և Կարեն Դեմիրճյանի անվան Երևանի մետրոպոլիտենի աջակցությամբ: Լուսանկարները «Մարշալ Բաղրամյան» կայարանում ներկայացված կլինեն մինչև մայիսի 31-ը։
