Համաշխարհային բանկի կանխատեսումների համաձայն՝ ռուս-ուկրաինական հակամարտության պատճառով 2022 թվականին դեպի Հայաստան փոխանցվող տրանսֆերտները կրճատվելու են 19 տոկոսով, ինչը հիմնականում պայմանավորված է Ռուսաստանի տնտեսության անկմամբ և ռուբլու արժեզրկմամբ։ Այս մասին գրում է տնտեսագետ Սուրեն Պարսյանը: Նա հիշեցնում է, որ 2022 թվականի պետական բյուջեով հաստատված է 7 տոկոսանոց տնտեսական աճ, որի գործոններից մեկը պետք է լիներ տրանսֆերտների շարունակվող հոսքը։ "Հետևաբար, տրանսֆերտների կրճատումն բացասական է ազդելու 2022 թվականի տնտեսական աճի ցուցանիշի վրա։ Եթե մոտակա ամիսներին չլուծվի գյուղատնտեսական մթերքների արտահանման խնդիրը, ապա Հայաստանի տնտեսությունը հերթական անկումն է գրանցելու"։