Աճուրդն ընթացքի մեջ է. ՆԳՆ-ն պարզաբանել է 300,000 դոլարով համարանիշ վաճառելու մասին լուրը

Տարածվող լուրերը, թե 00oo000 հաշվառման համարանիշը ձեռք է բերվել 21,000,000 դրամով կամ 300,000 դոլարով, իրականությանը չեն համապատասխանում: Այս մասին իր ֆեյսբուքյան էջում հայտնել է Ներքին գործերի նախարարի մամուլի խոսնակ Նարեկ Սարգսյանը։

«Էլեկտրոնային աճուրդն ընթացքի մեջ է, որը կավարտվի փետրվարի 28-ին»,-գրել է նա:

Փետրվարի 25-ին «Վարորդի ընկեր» ՀԿ-ի ֆեյսբույքյան էջը հայտնել էր, որ 00ՕՕ000 պետհամարանիշն աճուրդում վաճառվել է 300,000 դոլարով։

Հատկանշական է, որ աճուրդների կայքում նշված է, որ տվյալ պետհամարանիշն արդեն զբաղված է։