Ադրբեջանը 2017 թվականի առաջին կեսին կորցրել է անվտանգության և պաշտպանության ոլորտներում ծառայություն իրականացնող 38 զինծառայող: Այս մասին, հղում անելով Կասպյան ռազմական ինստիտուտի տվյալներին, գրում է azadliq.info լրատվական գործակալությունը: Նշվում է, որ զինծառայողներից 16-ը մահացել են հայ-ադրբեջանական սահմանին, 22-ը` խաղաղ պայմաններում: Նրանք են՝ 3 մահ հիվանդության պատճառով, 4 մահ ինքնասպանության պատճառով, իսկ 7 զինծառայող մահացել է անհայտ պայմաններում: Աղբյուրը տեղեկացնում է, որ միաժամանակ Ադրբեջանի պաշտպանության նախարարությունը զոհվածների և վիրավորների վերաբերյալ որևէ վիճակագրություն չի հրապարակել:
