Հայաստանի իշխանությունների ծրագրերը ներառում են Ադրբեջանի հետ խաղաղության պայմանագրի ստորագրում և Թուրքիայի հետ հարաբերությունների կարգավորում։ Այս մասին այսօր՝ հոկտեմբերի 30-ին, Ազգային ժողովում 2024 թվականի պետական բյուջեի նախագծի քննարկման ժամանակ ասաց ՀՀ վարչապետ Նիկոլ Փաշինյանը։ Փաշինյանը նշեց, որ Կառավարությունը գիտակցում է, որ դա հեշտ չի լինելու, սակայն վստահեցրեց, որ այս հարցում առաջընթացը բխում է Հայաստանի Հանրապետության պետական շահերից։ «Ադրբեջանի հետ հարաբերությունների կարգավորման և խաղաղության երեք հիմնարար սկզբունքներ են համաձայնեցվել, և եթե կողմերը հավատարիմ մնան այդ համաձայնեցված սկզբունքներին, ապա խաղաղության և հարաբերությունների կարգավորման համաձայնագրի ստորագրումն իրական կդառնա»,- պարզաբանեց Փաշինյանը։