ԱՄՆ պետքարտուղար Ռեքս Թիլերսոնը Իրաքի կառավարությանը եւ Իրաքի Քուրդիստանի իշխանություններին երկխոսության միջոցով տարաձայնությունները լուծելու կոչ է արել: Այս մասին նա ասել է Բաղդադում Իրաքի վարչապետ Հեյդար ալ Աբադիի հետ հանդիպման սկզբում, հաղորդում է Reuters-ը:«Մենք մտահոգված ենք եւ մի փոքր վշտացած: Մենք ընկերներ ունենք Բաղդադում եւ Էրբիլում: Մենք կոչ ենք անում բոլոր կողմերին քննարկումներ սկսել, բոլոր տարաձայնությունները կարող են լուծվել», - ասել է Թիլերսոնը:Իր հերթին Իրաքի վարչապետն ասել է, որ Իրաքի իշխանությունները չեն ցանկանում «Իրաքի որեւէ մասի համար» պայքարի մեջ մտնել:
