2010 թ-ից մինչև 2017 թ. փետրվար Թուրքիայում օտարերկրյա ներդրումների ընդհանուր արժեքը կազմել է 140 մլրդ դոլար: Այս մասին իր Facebook-ի էջում գրում է թուրքագետ Լևոն Հովսեփյանը: Ըստ նրա գրառման, նշված ներդրումների ծավալի առյուծի բաժինը պատկանում է ԱՄՆ-ին ու եվրոպական երկրներին՝ ավելի քան 110 մլրդ դոլար (74 %): Ներդրումների ծավալով առաջին 10 երկրներն են. 1. Հոլանդիա - 22 մլրդ (15 %)2. ԱՄՆ - 11.1 մլրդ (8 %)3. Ավստրիա - 9.7 մլրդ (7 %)4. Մեծ Բրիտանիա - 9.5 մլրդ (6.8 %)5. Լյուքսեմբուրգ - 8.9 մլրդ (6.4 %)6. Գերմանիա - 8.8 մլրդ (6.4 %)7. Բելգիա - 8.2 մլրդ (5.9 %)8. Իսպանիա - 7.6 մլրդ (5.5 %)9. Հունաստան - 6.8 մլրդ (4.9 %)10. Ֆրանսիա - 6.8 (4.9 %) Ռուսաստանից կատարված ներդրումները, նշում է փորձագետը, կազմել են 5.1 մլրդ դոլար ( 3.7 %): "Ադրբեջանական ներդրումների ընդհանուր ծավալը կազմել է մոտ 4.9 մլրդ դոլար (3.6 %): Ուշագրավ է, որ այս տարվա հունվար-փետրվար ամիսներին կատարված ներդրումների ծավալով Ադրբեջանը գտնվում է առաջին տեղում՝ մոտ 129 մլն դոլար ցուցանիշով", - ասված է նրա գրառման մեջ: "Արաբական երկրներից խոշոր ներդրում կատարած երկրներն են Արաբական միացյալ էմիրությունները, Սաուդյան Արաբիան, Քուվեյթը, Կատարը և Լիբանանը, որոնց ընդհանուր ներդրումների արժեքը կազմել է մոտ 10.2 մլրդ դոլար", - տեղեկացնում է թուրքագետը: