Ֆրանսիայի ԱԳ նախարարը ՌԴ-ի և Գերմանիայի իր գործընկերների հետ հեռախոսազրույցում քննարկել է Ուկրաինայում իրադրությունը, ինչպես նաև Բաքվի և Երևանի հարաբերությունները, հաղորդում է ՏԱՍՍ-ը: Ֆրանսիայի ԱԳ նախարարն ընդգծել է նորմանդական ձեւաչափով ջանքերի շարունակման կարեւորությունն Ուկրաինայում իրադրության կարգավորման համար: Ֆրանսիայի ԱԳ նախարարը ՌԴ-ին կոչ է արել խուսափել այնպիսի քայլերից, որոնք կարող են հանգեցնել Ուկրաինայի հետ սահմանին լարվածության աճին: Նշվում է նաև, որ Ֆրանսիան ՌԴ-ի հետ սերտ համակարգմամբ կշարունակի ջանքերը Բաքվի և Երևանի միջև լարվածության թուլացման ուղղությամբ։ Ֆրանսիայի ԱԳ նախարարը Բաքվին և Երևանին կոչ է արել առավելագույն զսպվածություն ցուցաբերել իրենց հարաբերություններում։
