Օգոստոսի 17-ին, ժամը 20:40-ի սահմաններում, հակառակորդի կողմից արձակված կրակոցների հետևանքով Արցախի հանրապետության հարավարևմտյան սահմանագոտում այրվել է 3 հա խոտածածկույթ: Բռնկված հրդեհի մարման նպատակով դեպքի վայր է մեկնել հրշեջ ավտոմեքենա, սակայն ադրբեջանական զինուժը կրակ է բացել հրշեջ մեքենայի ուղղությամբ՝ խոչընդոտելով կրակի մարման աշխատանքներին: «Հակառակորդի կողմից արձակված կրակոցների արդյունքում հայկական կողմը կորուստներ չունի։ Համապատասխան տեղեկատվությունը տրամադրվել է ռուս խաղաղապահների հրամանատարությանը», - ասվում է Արցախի Պաշտպանության բանակի հայտարարության մեջ:
