Արմեն Գրիգորյանը, որը շաբաթներ առաջ ազատվել էր ԱԽ քարտուղարի պաշտոնից և նշանակվել ԱԳ նախարարի առաջին տեղակալ, վարչապետ Նիկոլ Փաշինյանի օգոստոսի 19-ի որոշմամբ վերստին նշանակվել է անվտանգության խորհրդի քարտուղար: «Ղեկավարվելով «Անվտանգության խորհրդի կազմավորման և գործունեության մասին» Հայաստանի Հանրապետության օրենքի 7-րդ հոդվածի 1-ին մասով` Արմեն Գրիգորյանին նշանակել Անվտանգության խորհրդի քարտուղար», - ասված է վարչապետի որոշան մեջ։ Նշենք, որ Արմեն Գրիգորյանը դիտարկվում էր որպես ԱԳ նախարարի հիմնական թեկնածու, սակայն նախագահ Արմեն Սարգսյանի օգոստոսի 19-ի հրամանագրով ԱԳ նախարար է նշանակվել Արարատ Միրզոյանը:
