Հայաստանի կառավարությունը սեպտեմբերի 26-ի նիստում ընդունել է պահեստազորայինների զորավարժությունների անցկացման որոշման նախագիծը։ Փաստաթղթի համաձայն՝ զորավարժությունները տեղի կունենան 2024 թվականի հոկտեմբերի 15-ից մինչև դեկտեմբերի 20-ը: Միջոցառման հիմնական նպատակն է բարձրացնել պահեստազորայինների մասնագիտական պատրաստվածության մակարդակը և բարելավել նրանց պատրաստվածությունը մարտական հերթապահություն իրականացնելու համար։ Որոշման հիմնավորման մեջ նշվում է. «Սա թույլ կտա պահեստազորում ունենալ առավել պատրաստված զինծառայողներ և բարձրացնել նրանց մասնագիտական պատրաստվածության որակը՝ ուսումնական հավաքներին ներգրավելու միջոցով»։ Յուրաքանչյուր մասնակից կներգրավվի զորավարժություններին ոչ ավելի, քան 25 օր։
