Իշխող վերնախավի հայտարարությունները կատարվում են ներքին լսարանի համար. Հայկ Մամիջանյան

Իշխող վերնախավի ներկայացուցիչների հայտարարությունները արվում են բացառապես ներքին լսարանի համար։ Դա վերաբերում է գրեթե բոլոր բարձրաստիճան պաշտոնյաներին, այդ թվում և վարչապետ Նիկոլ Փաշինյանին, և արտգործնախարար Արարատ Միրզոյանին։ Այս մասին այսօր՝ դեկտեմբերի 3-ին, լրագրողներին ասաց «Պատիվ ունեմ» խմբակցության քարտուղար Հայկ Մամիջանյանը։


Պատգամավորը կոչ արեց համեմատել վարչապետ Նիկոլ Փաշինյանի՝ Սոչի կատարած այցի հրապարակային հայտարարությունը և եռակողմ հայտարարության դրույթները:


«Ուշադրություն դարձրեք, թե ինչ է նա ասել հանրային մասի շրջանակներում: Նա անդրադարձել է գերիների, ագրեսիայի և այլ հարցերի։ Բայց արդյունքում նշվածից որն է արտացոլվել ստորագրված եռակողմ հայտարարության մեջ։ Համաձայնեք, որ հաշվի առնելով [եռակողմ հայտարարության] բովանդակությունը, ես կարող եմ հիմնավորված կասկածներ ունենալ բանակցություններում այդ խնդիրների քննարկման վերաբերյալ։ Ի վերջո բանակցությունների առարկան միշտ արտացոլվում է ամփոփիչ փաստաթղթում, անկախ նրանից, թե այն հայտարարությունը, թե ինչ-որ բան այլ է», - հայտարարել է նա:


Մամիջանյանը նշել է, որ, անշուշտ, արցախյան հիմնախնդրի կարգավորման միակ ձևաչափը ԵԱՀԿ Մինսկի խմբի համանախագահությունն է։ Այդ իսկ պատճառով խիստ անհրաժեշտ է, որ ցանկացած փաստաթղթում, որի տակ դրվում են Հայաստանի և Ադրբեջանի ներկայացուցիչների ստորագրությունները, նշվի Արցախյան հիմնախնդրի չլուծված լինելը և նշվի, որ կարգավորման միակ ձևաչափը ԵԱՀԿ Մինսկի խմբի համանախագահությունն է։


Նա համոզված է, որ «արցախյան հիմնախնդրի տոտալ տարանջատումը ներկա պահին ընթացող գործընթացներից» հղի է բացասական հետևանքներով։ Նա վստահ է, որ դա չափազանց բարդացնում է Հայաստանի ապագա բանակցողների խնդիրը։ «Ներկա բանակցողներից ես ոչինչ չեմ սպասում», - հայտարարել է պատգամավորը:


 

Տպել

Թեմայի այլ նորություններ
Загрузка...