Հայաստան կժամանի Հնդկաստանի արտաքին գործերի նախարար Սուբրամանյամ Ջայշանկարը

Հոկտեմբերի 12-13-ը պաշտոնական այցով Հայաստան կժամանի Հնդկաստանի ԱԳ նախարար Սուբրամանյամ Ջայշանկարը:

ԱԳՆ-ից հայտնում են, որ հոկտեմբերի 13-ին ՀՀ ԱԳՆ-ում կկայանա Հայաստանի և Հնդկաստանի ԱԳ նախարարների հանդիպումը: Պաշտոնական այցի շրջանակներում նախատեսված են նաև հանդիպումներ ՀՀ վարչապետի և ՀՀ ԱԺ նախագահի հետ:

Նշենք, որ սա պատմության մեջ Հնդկաստանի ԱԳ նախարարի առաջին այցը կլինի Հայաստան: