Ստորագրահավաք՝ ընդդեմ պարտադիր պատվաստման պարտադրանքին

«Ազատ կամք» նախաձեռնությունը, որը դեմ է պարտադիր պատվաստման գործընթացին, կազմակերպում է ստորագրահավաք: Ստորագրահավաքը սկսվում է այսօրվանից և ավարտելու է 2021թ. հոկտեմբերի 7-ին: Այս մասին հայտնում է նախաձեռնության հիմնադիր Արա Զոհրաբյանը.

«Այն հայրենակիցները, որոնք պատրաստակամ են օժանդակել ստորագրահավաքի կազմակերպմանը, կխնդրենք կապ հաստատել մեզ հետ (010 440333, [email protected]):

Հանրագրին միանալու համար կարող եք կցված հանրագրի տեքստը տպել, ստորագրել, լրացնելով անհրաժեշտ տվյալները և փոխանցել մեզ հետևյալ երեք եղանակներից մեկով՝ (1) ֆեյսբուքի միջոցով , (2) [email protected] էլեկտրոնային հասցեով, կամ (3) առձեռն ք.Երևան, Արշակունյաց 17 հասցեով (010 440333): Եթե խմբով եք ստորագրելու, ապա ստորագրեք և լրացրեք կցված երկրորդ փաստաթուղթը «ՄԻԱՆՈՒՄ ԵՆՔ ԿՈԼԵԿՏԻՎ ՀԱՆՐԱԳՐԻՆ» անվանումով:

Այստեղ կցում ենք նաև «Ազատ կամք» նախաձեռնության գործողությունների պլանը:

.Տեղեկացնում ենք, որ նախապատրաստվում է՝

1. Հանրագրի ստորագրություններ - Ստորագրահավաք

28.09.2021թ.-07.10.2021

2. Փաստաբանական խմբերի ձևավորում Հայաստանում - Խմբերը ձևավորվում են և համալրվում: Տվյալները կհրապարակվեն 01.10.2021թ.

3. Հայցադիմումի հանձնում վարչական դատարանին - Վիճարկվում է ԱՆ 20.08.21թ. թիվ 65-Ն հրամանը: Հայցը կհանձնվի դատարան 01.10.2021թ.

4. Փաստերի և այլ տեղեկությունների հավաքագրում - Փաստահավաք խումբը կատարում է հարցումներ և հավաքում տվյալներ

5. Հանրային իրազեկում - Հանրությանը մշտապես կտրամադրվեն տեղեկություններ

6. Հանրագրի ներկայացում վարչապետին՝ հանրահավաքի միջոցով - Հանրահավաքը նախնական կկազմակերպվի 07.10.2021թ.

Հիշեցնում ենք, որ «Ազատ կամք» նախաձեռնությունը դեմ է պատվաստման պարտադրանքին», - գրել է Արա Զոհրաբյանը facebook-ի իր էջում։