ԵԱՏՄ միասնական գազային շուկայի մասին համաձայնագիրը կարող է ստորագրվել 2022 թվականին

Եվրասիական տնտեսական միության միասնական գազային շուկայի մասին համաձայնագիրը կարող է ստորագրվել 2022 թվականին։ Այս մասին հայտարարել է Եվրասիական տնտեսական հանձնաժողովի (ԵՏՀ) նախագահի օգնական Իյա Մալկինան, փոխանցում է ՏԱՍՍ-ը։

«Գազի ընդհանուր շուկայի շրջանակներում կապահովվի բորսայում այդ էներգառեսուրսը գնելու հնարավորություն։ Դրա համար կընդունվի բորսային գազի առեւտրի կարգը, որն այսօր արդեն մշակվում է մասնակից երկրների կառավարությունների եւ ազգային բորսաների հետ համատեղ»,-ասել է Մալկինան:

Ավելի վաղ հաղորդվել էր, որ ԵԱՏՄ երկրները ձեռնամուխ են եղել գազի, նավթի եւ նավթամթերքների ընդհանուր շուկաների ձեւավորմանը: