«Կրակի երեխաներ» կազմակերպությունն է պատասխանատու Թուրքիայում անտառային հրդեհների համար

«Կրակի երեխաներ» կազմակերպությունն իր վրա է վերցրել Թուրքիայի տարածքում հուլիսի վերջից տարածվող անտառային հրդեհների պատասխանատվությունը: Այս մասին հայտնում է Yeni Şafak թերթը:

Նշենք, որ «Կրակի երեխաները» Քուրդիստանի աշխատավորական կուսակցության (ՔԱԿ) ստորաբաժանումն է, որի անդամները Թուրքիայում ճանաչվել են ահաբեկիչներ։

Կազմակերպությունը հայտարարել է, որ ժամանակն է ծնկի բերել թուրքական ռեժիմը կրակի միջոցով, «քանի որ այն այլ լեզու չի ճանաչում»:

Նշվում է, որ 1990-ականներից սկսած «Կրակի երեխաները» պարբերաբար անտառային հրդեհներ են կազմակերպում երկրում: