«Հայաստան» և «Պատիվ ունեմ» դաշինքները ԱԺ փոխխոսնակի միասնական թեկնածու կառաջադրեն

«Հայաստան» դաշինքը «Պատիվ ունեմ» դաշինքի հետ քննարկումներից հետո հանդես կգա Ազգային ժողովի փոխխոսնակի միասնական թեկնածուով։ Այս մասին հայտնել է ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը։

«Մենք «Պատիվ ունեմ» դաշինքին համարում ենք մեր բնական դաշնակիցը, և առաջիկա օրերին հանդես կգանք հայտարարությամբ»,- նշել է նա news.am-ի հետ զրույցում։

Նշենք, որ մամուլում շրջանառվում է երկու թեկնածուի անուն՝ Իշխան Սաղաթելյան և Իշխան Զաքարյան: