Ոստիկանությունն ուժեղացված ծառայություն է իրականացնում. պատճառներն անհայտ են

Երևանի կենտրոնում ու մարզերում Ոստիկանույթունն ու ԱԱԾ-ն խիստ վերահսկողություն ու ուժեղացված ծառայություն են իրականացնում: Մայրարքաղաքի կենտրոնում երթևեկությունը կաթվածահար արած գործողություների պատճառներն անհայտ են:

Ոստիկանության աշխատակիցերը մայրաքաղաքի կենտրոնական հատվածում են կանգնեցնում մեքենաներն ու ստուգումներ իրականացնում։

Հանրության շրջանում արդեն իսկ լուրեր են տարածվել այն մասին, թե, իբր, ոստիկանությունը փնտրում է ազատազրկման վայրից փախուստի դիմած ինչ–որ անձի։ Մեկ այլ վարկածի համաձայն՝ իրավապահներն ավտոմեքենաներում զենք են փնտրում։

Ոստիկանությունից միայն հայտնում են, որ Երևանում և մարզերում ՀՀ ոստիկանությունն ուժեղացված ծառայություն և կանխարգելիչ միջոցառումներ է իրականացնում իր գործառույթների շրջանակում, սակայն սպառիչ պատասխան չեն տալիս, թե որն է ստուգումների պատճառը։