Մայիսի 29-ին կսահմանափակվի Գետառի նորակառույց փողոցի թունելի երթևեկությունը

Երևանի քաղաքապետարանից տեղեկացնում են, որ մայիսի 29-ին` առավոտյան ժամը 09:00-ից մինչև 20:00-ն, կսահմանափակվի Խանջյան փողոցի և Սայաթ-Նովա պողոտայի հատման մասի, Գետառի նորակառույց փողոցի տրանսպորտային թունելի երթևեկությունը:

Տեղում իրականացվելու են լուսավորության արդիականացման աշխատանքներ, ինչով պայմանավորված կդադարեցվի թունելի երկու ուղղությունների 1-ին երթևեկելի գոտիների երթևեկությունը:

Պատճառվող ժամանակավոր անհարմարության համար կառույցը հայցում է քաղաքացիների ներողամտությունը: