Հայ-ադրբեջանական սահմանի տավուշյան հատվածում իրավիճակը հանգիստ է. մարզպետարան

Հայ-ադրբեջանական սահմանի տավուշյան հատվածում իրավիճակը հանգիստ է: Այս մասին ասված է  Տավուշի մարզպետարանի տարածած հայտարարության մեջ։

«Եվս մեկ անգամ հորդորում ենք չտարածել ապատեղեկատվություն, չվտանգել մեր սահմանների և սահմանապահ բնակիչների անվտանգությունը:

Հարգելի տավուշցիներ, շրջանցեք թշնամու կողմից տարածվող ապատեղեկատվությունը: Տավուշի մարզի յուրաքանչյուր բնակչի անվտանգության երաշխավորը հայկական բանակն է և հայ զինվորը»,- նշված է հայտարարությունում։