Հայ-ադրբեջանական հակամարտությունը ՌԴ-ում չպետք է բռնության առիթ տա. Մեդվեդև

Ռուսաստանում հայ-ադրբեջանական հակամարտության թեման բռնության և բախումների առիթ չպետք է ստեղծի։ Այս մասին հայտարարել է «Եդինայա Ռոսիա»-ի նախագահ Դմիտրի Մեդվեդեւը, փոխանցում է "ՌԻԱ Նովոստի"-ն։

«Մեր իրավապահ մարմինները պետք է կողմնորոշվեն նրան, որ այդ թեման երկրի ներսում չպետք է բռնության և բախումների առիթ դառնա», - ասել է նա «ՊոլիտՍտարտափ» կադրային նախագծի մասնակիցների հետ հանդիպման ժամանակ:

Մեդվեդևը նշել է, որ երկու պետությունների սփյուռն էլ պետք է զգա իր պատասխանատվությունը։

«Հակառակ դեպքում նրանք, ովքեր խախտում են ռուսական օրենքները, կարևոր չէ, թե ինչպիսին է նրանց ազգային պատկանելությունը, պետք է կոշտ պատասխանատվություն կրեն ռուսական օրենքներով։

Իսկ եթե այդ օրինախախտերն օտարերկրյա քաղաքացիներ են, նույնիսկ մեր բարեկամ երկրներից, նրանց նկատմամբ պետք է կիրառել հասկանալի միջոցներ, նրանց պետք է ուղղակի արտաքսել երկրից, եթե պատասխանատվության ենթարկելու համար որևէ այլ տարբերակ չկա", - կարծում է նախագահը «Եդինայա Ռոսիա» կուսակցության նախագահը։