Ռոմանոս Պետրոսյանը կնշանակվի շրջակա միջավայրի նախարար

Կառավարության որոշմամբ Ռոմանոս Պետրոսյանն ազատվեց Կոտայքի մարզպետի պաշտոնից։ Նա նշանակվելու է շրջակա միջավայրի նախարար:

Այդ մասին կառավարության այսօրվա նիստում հայտարարեց վարչապետ Նիկոլ Փաշինյանը, իսկ հարցը զեկուցեց Տարածքային կառավարման և ենթակառուցվածքների նախարար Սուրեն Պապիկյանը:

Ռոմանոս Պետրոսյանն այս պաշտոնը ստանձնել էր թավշյա հեղափոխությունից հետո՝ 2018-ի հունիսի 1-ից։

Փաշինյանը տեղեկացրեց, որ Ռոմանոս Պետրոսյանն ազատվում է Կոտայքի մարզպետի պաշտոնից՝ պայմանավորված շրջակա միջավայրի նախարար նշանակվելու հանգամանքով: «Համապատասխան միջնորդագիր ես ոշւտով կներկայացնեմ հանրապետության նախագահին», - հավելեց Փաշինյան:

Շրջակա միջավայրի նախարարի պաշտոնը թափուր է մայիսի 5-ից՝ Էրիկ Գրիգորյանի պաշտոնանկությունից ի վեր։

Լուրեր են շրջանառվում, որ Կոտայքի մազրպետ է նշանակվելու նախկին ոստիկանապես Արման Սարգսյանը: