Տավուշում հակառակորդի հրետակոծությունից վնասված տների վերանորոգումը մեկնարկել է. մարզպետ

ՀՀ Տավուշի մարզում հայ-ադրբեջանական սահմանին հակառակորդի հրետակոծության արդյունքում վնասված տների վերանորոգումն արդեն մեկնարկել է։ Այս մասին Facebook-ի իր էջում գրել է Տավուշի մարզպետ Հայկ Չոբանյանը։

«Յուրաքանչյուր վնասված տան դիմաց կառուցելու ենք կրկնակին»,- հայտնել է Չոբանյանը:

VERELQ-ը հիշեցնում է, որ անցած շաբաթ կառավարությունը որոշում կայացրեց գումար հատկացնել Տավուշի մարզին՝ հաշվի առնելով հայ -ադրբեջանական սահմանին տեղի ունեցած վերջին իրադարձությունները:

Տավուշի սահմանամերձ համայքներին շուրջ 150 միլիոն դրամի վնաս է հասցվել: Հրատապության կարգով 25 միլիոն դրամ հատկացվեց Տավուշի մարզպետարանին: