29.03.2024
Երևանն ու Թեհրանը ընդգծել են հակամարտությունները խաղաղ կարգավորելու անհրաժեշտությունը
prev Նախորդ նորություն

Նորություններ գործընկերներից

Սահմանին օպերատիվ իրավիճակը ժամը 18։00-ից սկսած հանգիստ է. Արծրուն Հովհաննիսյան

Ճգնաժամային տեղեկատվական կենտրոնի պատասխանատու Արծրուն Հովհաննիսյանը հուլիսի 14-ին Իջևանւմ կայացած ասուլիսին հայտարարել է, որ հայ-ադրբեջանական սահմանին ընդհանուր օպերատիվ իրավիճակը ժամը 18։00-ից սկսած հանգիստ է: Շատ քիչ կրակոցներ կան, լարվածության նվազում կա, ասել է նա:


Նրա խոսքով՝ հուլիսի 14-ի դրությամբ, հայ-ադրբեջանական սահմանային բախումների արդյունքում, ադրբեջանական ԶՈւ-երի կողմից թիրախավորվել են հայկական խաղաղ բնակավայրերը՝ մասնավորապես Տավուշի մարզի Չինարի, Այգեպար, Ներքին Պառավաքար համայնքները, հրետակոծության է ենթարկվել նաև Բերդ քաղաքը, այնտեղ 2 գործարան է թիրախավորվել։


«Տավուշում, տանկից բացի, օգտագործվել է նաև հաուբից, «Գրադ» համազարկային կրակի ռեակտիվ համակարգ»,- հայտնել է նա՝ հավելելով, որ ՀՀ ԶՈւ-ն հստակ տիրապետում է հակառակորդի զորքի բոլոր տեսակի տեղաշարժերին, երթերին, տեղափոխություններին։


Հովհաննիսյնաի խոսքով՝ խաղաղ բնակչության շրջանում զոհեր չկան, համայնքներում սակայն տներ, գազատարներ են վնասվել։ Նա նշել է նաև, որ հայկական որևէ բնակավայրից տարհանում չի եղել ու վստահություն հայտնել, որ չի էլ լինի։


Հովհաննիսյանը նշել է, որ այս ընթացքում հակառակորդը կիրառել է հրետանային միջոցներ, ականանետեր, տանկեր, հայկական կողմը հուլիսի 15-ին կփորձի ինֆոտուրեր կազմակերպել՝ ցույց տալու բախումների հետանքները։


Հովհաննիսյանի խոսքով՝ Ադրբեջանի ԶՈւ-ն իր տարածքի բնակելի տների մերձակայքում զրահատեխնիկա է տեղավորում, դրանով թիրախավորելով իրենց խաղաղ բնակչությանը։


Նա նաև տեղեկացրել է, որ հուլիսի 12-ից սկսած հայկական զինված ուժերը խոցել են հակառակորդի 5-ից 10 անօդաչու թռչող սարք, այդ թվում՝ Hermes 900 մոդելի։

ԱՄՆ Ներկայացուցիչների պալատը կքննարկի Բաքվին պաշտպանական սարքավորումներ չուղարկելու հարցը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար