Սահմանադրական դատարանը իրավունք չունի վարույթ ընդունել ԲՀԿ դիմումը. Թանդիլյան

Սահմանադրական դատարանը իրավունք չունի վարույթ ընդունել ԲՀԿ դիմումը, ինչպես չի եղել երբևէ։ Այս մասին Facebook-ի իր էջում գրել է «Լուսավոր Հայաստան» խմբակցության պատգամավոր Մանե Թանդիլյանը:

«Արդյո՞ք կարող են պատգամավորների 26 ստորագրությամբ դիմել Սահմանադրական դատարան։

Նշեմ որ, Սահմանադրության 169-րդ հոդվածի 1-ին մասի 2-րդ կետի համաձայն Սահմանադրական դատարան կարող են դիմել պատգամավորների առնվազն 1/5-րդ-ը, այսինքն 20 տոկոսը։

26 պատգամավորը կազմում է 19,7 տոկոս է, որը միանշանակ փոքր է 20 տոկոսից՝ 1/5-ից։

Հետևաբար, ՍԴ իրավունք չունի վարույթ ընդունել դիմումը, ինչպես չի եղել երբևէ»,- գրել է նա։

VERELQ-ը հիշեցնում է, որ «Բարգավաճ Հայաստան» խմբակցությունը նախօրեին էլեկտրոնային տարբերակով 26 պատգամավորի ստորագրությամբ դիմում ուղարկեց Սահմանադրական դատարան՝ վիճարկելու Ազգային ժողովում ընդունված օրենքի սահմանադրականությունը: Այսօր առավոտյան դիմումը ՍԴ հանձնվեց նա թղթային տարբերակով: