19.03.2024
Չեղարկել ժողովրդի հարկային բեռն ավելացնող նախագիծը. «Հայրենիք» կուսակցություն
prev Նախորդ նորություն

Նորություններ գործընկերներից

Թուրքիան լավագույնը չէ. Հայաստանը, Հունաստանը և Կիպրոսը պահանջ են ներկայացրել

ՄԱԿ-ի Գլխավոր ասամբլեայի 75-րդ նստաշրջանի նախագահի թեկնածուն մեկն է՝ Թուրքիայի ներկայացուցիչը. Հայաստանը, Հունաստանը և Կիպրոսը քվեարկություն են պահանջել:


Արդյո՞ք 193 երկրներից միայն երեք երկրի պահանջով կիրականացվի քվեարկություն: Պատասխանելով «NewArmenia» լրատվական գործակալության հարցին ՀՀ ԱԳՆ խոսնակ Աննա Նաղդալյանը հիշեցրել է, որ համաձայն ՄԱԿ-ում աշխարհագրական ռոտացիայի վերաբերյալ սահմանված սկզբունքի՝ ՄԱԿ Գլխավոր ասամբեայի 75-րդ նստաշրջանի նախագահը պետք է ընտրվի Արևմտաեվրոպական երկրների խմբից: Նախագահի նախնականորեն հաստատված միակ թեկնածուն Թուրքիայի ներկայացուցիչ Վոլքան Բոզքիրն է:


«Ինչպես նշեցիք, Հայաստանը, Հունաստանը և Կիպրոսը, խախտելով լռության ընթացակարգը, նամակներով դիմել են ՄԱԿ ԳԱ 74-րդ նստաշրջանի նախագահ Թիջանի Մուհամմեդ-Բանդեին՝ պահանջելով քվեարկություն: Ցանկանում եմ ընդգծել, որ նույնիսկ մեկ երկրի պահանջով քվեարկությունը պարտավոր է իրականանալ»,- նշել է Նաղդալյանը:


Ճշտող հարցին՝ Հայաստանն առաջին անգամ է քվեարկություն պահանջում, ԱԳՆ ներկայացուցիչը նշել է, որ սա ՄԱԿ-ի պատմոթյան ընթացքում Գլխավոր ասամբլեայի նախագահի ընտրություններում գրանցված առաջին դեպքն է, երբ միակ թեկնածուի ընտրության հարցը դրվում է քվեարկության:


Իսկ ընտրվելու դեպքում արդյոք սա առաջին դեպքն է լինելու, որ ԳԱ նախագահի պաշտոնը զբաղեցնի Թուրքիայի ներկայացուցիչը և արդյոք Հայաստանի կողմից որևէ քայլ ձեռնարկվել է՝ ներկայացնելու հայկական կողմի մտահոգությունները:


«Պետք է նշեմ, որ մտահոգություն հայտնել է ոչ միայն հայկական կողմը, այլև մեր մի շարք միջազգային գործընկերներ: Լռության ընթացակարգի խախտման վերաբերյալ նամակով հանդես են եկել Հայաստանը, Կիպրոսը և Հունաստանը, ավելին՝ Հայաստանի և Կիպրոսի կողմից ներկայացվել է համատեղ նամակ: Վերջինում, մասնավորապես, նշվել է, որ «Թուրքիան սպառնում է ամբողջ տարածաշրջանի խաղաղությանն ու անվտանգությանը՝ տարածաշրջանային գերակայության հասնելու համար շարունակաբար խախտելով ՄԱԿ կանոնադրությունը և միջազգային իրավունքի նորմերը, այդ թվում՝ ՄԱԿ պատժամիջոցների ռեժիմները»: Հայկական կողմը բարձրաձայնել է Թուրքիայի՝ Հայաստանի նկատմամբ երեք տասնամյակ իրականացվող շրջափակման, Հայոց ցեղասպանության շարունակական ժխտման և անգամ արդարացման քաղաքականության մասին», - շեշտել է նա:


Աննա Նաղդալյանը նաև տեղեկացրել է, որ համատեղ նամակում Հայաստանը և Կիպրոսն ընդգծել են, որ ՄԱԿ Գլխավոր ասամբլեայի նախագահի պաշտոնը պետք է ստանձնի այնպիսի երկրի ներկայացուցիչ, որի գործողությունները և վարած քաղաքականությունը համահունչ են ՄԱԿ նորմերին և հռչակած արժեքներին: Ակնհայտ է, որ Թուրքիան լավագույն պետությունը չէ, որը կարող է բավարարել նշված չափանիշներին:


 

Ոստիկանների գործողությունները պետք է լինեն համաչափ․ ՄԻՊ
Հաջորդ նորություն next