19.03.2024
Արմատական առաջխաղացումներ բանակցային գործընթացում չկան, բայց լավատես ենք. Զախարովա
prev Նախորդ նորություն

Նորություններ գործընկերներից

Ադրբեջան ռազմական մատակարարումների համար ՌԴ-ում պաշտոնյաներ են կալանավորվել

Ռուսական «Կոմերսանտ» թերոը հայտնում է, որ ՌԴ-ից Ադրբեջան երկակի նշանակության ռազմական արտադրանք մատակարարելու համար կաշառքի գործով ՌԴ-ում պաշտոնյաներ են կալանավորվել:


Մոսկվայի Խամովնիկյան շրջանային դատարանը ձերբակալել է քրեական գործով անցնող երեք մեղադրյալների, որոնք կապված են Արդյունաբերության և առևտրի նախարարության աշխատակցի կողմից կաշառք ստանալու հետ:


Հետաքննության վարկածով՝ նախարարության Ռազմատեխնիկական համագործակցության բաժնի պետ Ռիզվան Գայրբեկովը Նիժնի Նովգորոդի ավիացիոն ընկերության գլխավոր տնօրեն Վասիլի Կլեպալովից 4,5 մլն ռուբլի է ստացել Ադրբեջան երկակի նշանակության արտադրանքի մատակարարման համար ընկերությանը արտոնագիր տալու համար: Ռուսաստանի Դաշնության Քննչական կոմիտեում կարծում են, որ կաշառքի միջնորդ է եղել նրանց ընդհանուր ծանոթը՝ Ռազմատեխնիկական համագործակցության դաշնային ծառայության Օտարերկրյա պետությունների հետ ռազմատեխնիկական համագործակցության վարչության պետ Սերգեյ Գարմաշը, գրում է newarmenia-ն։


Առաջինը երկու ամսով կալանավորվել է Նիժնի Նովգորոդի ավիացիոն ընկերության գլխավոր տնօրեն Վասիլի Կլեպալովը, որը մեղադրվում է կաշառք տալու մեջ:


Հետաքննությունը ենթադրում է, որ Կլեպալովը 4,5 մլն ռուբլի է փոխանցել Արդյունաբերության և առևտրի նախարարության աշխատակից Ռիզվան Գայրբեկովին ՝ նրանց ընդհանուր ծանոթ Սերգեյ Գարմաշի միջնորդությամբ: Նախարարության աշխատակից Ռիզվան Գայրբեկովին ևս դատարանը մեկուսարան է ուղարկել մինչև օգոստոսի 4-ը ժամկետով:


Ռիզվան Գայրբեկովը գլխավորում էր Արդյունաբերության և առևտրի նախարարության Պաշտպանական արդյունաբերական համալիրի դեպարտամենտի ռազմատեխնիկական համագործակցության բաժինը։ Նա Ռուսաստանի Դաշնության 3-րդ դասի պետական խորհրդական է։ Միջնորդ Գարմաշը ՌԴ Ռազմատեխնիկական համագործակցության դաշնային ծառայության արտասահմանյան պետությունների հետ ռազմատեխնիկական համագործակցության երկրորդ վարչության պետի տեղակալն է։


Հետաքննության վարկածով՝ 2019թ. գարնանը Նիժնի Նովգորոդի ձեռնարկության գլխավոր տնօրենն իր ծանոթ Սերգեյ Գարմաշին խնդրել է օգնել ընկերությանը գործունեության որոշ տեսակների համար լիցենզիա ստանալու հարցում:


Դրանք անհրաժեշտ էին Նիժնի Նովգորոդի ավիացիոն ընկերության կողմից Ադրբեջան երկակի նշանակության արտադրանք մատակարարելու համար։


Կլեպալովը Դաշնային միգրացիոն ծառայության աշխատակցին սկզբում փոխանցել է 2 մլն ռուբլի, իսկ հետո ևս 2,5 մլն գումարը փոխանցվել է Օվչիննիկովի առափնյա ծառայության շենքի մուտքի մոտ: Այնուհետ միջնորդն իր աշխատասենյակում դրանք փոխանցել է Արդյունաբերության և առևտրի նախարարության առևտրի բաժնի պետին:

Վլադիմիր Պուտինը հեռախոսազրույց է ունեցել Իլհամ Ալիևի հետ
Հաջորդ նորություն next