Արարատ Միրզոյանն ու Արայիկ Հարությունյանը քննարկել են առաջիկա անելիքները

ՀՀ ԱԺ նախագահ Արարատ Միրզոյանն ընդունել է Արցախի նորընտիր նախագահ Արայիկ Հարությունյանին: Այս մասին խորհրդարանի խոսնակը գրել է Facebook-ի իր էջում:

«Ազգային ժողովում հյուրընկալեցի Արցախի նորընտիր նախագահին, քննարկեցինք առաջիկա անելիքները»,- գրել է Արարատ Միրզոյանը:

Նախօրեին վերջինս նաև շնորհավորական ուղերձ էր հղել Արցախի չորրորդ նախագահին՝ նշելով, որ Հայաստանի Հանրապետությունը և Արցախի Հանրապետությունը պիտի շարունակեն համատեղ գործուն քայլեր ձեռնարկել միասնական անվտանգային համակարգի ամրապնդման և ԵԱՀԿ Մինսկի խմբի համանախագահության ձևաչափի շրջանակներում Արցախին բանակցային սեղանի շուրջ վերադարձնելու ուղղությամբ։