ՀՀ-ում նոր կորոնավիրուսով վարակվելու 46 նոր դեպք է գրանցվել. դեպքերի թիվը հասել է 1013-ի

Հայաստանում ապրիլի 12-ին՝ ժամը 11:00-ի դրությամբ նոր կորոնավիրուսով վարակվելու 46 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Հիշեցնենք, որ ապրիլի 11-ին հաղորդված տվյալների համաձայն՝ գրանցվել էր կորոնավիրուսի 966 դեպք: Ընդհանուր դեպքերի թիվը հասել է 1013-ի:

Բացասական արդյունք է արձանագրվել 7164 թեստավորման դեպքում (վերջին մեկ օրում՝ 680): Փաստացի այս պահին բուժվում է 803 անձ (վերջին մեկ օրում ավելացել է 3-ով):

Վերջին տվյալներով ապաքինվել է 197 անձ (վերջին մեկ օրում՝ 24 մարդ), 13 պացիենտ մահացել է: