29.03.2024
Արցախում ընտրություններն ավարտվեցին. մասնակցությունը 72,7% է կազմել
prev Նախորդ նորություն

Նորություններ գործընկերներից

Մարզահամերգային համալիրի նախասրահը վերածվել է «մեծ հիվանդասենյակի». հաստատում

Կարեն Դեմիրճյանի անվան Մարզահամերգային համալիրի նախասրահում իսկապես տեղադրվել են բազմաթիվ մահճակալներ, որտեղ հարկ եղած դեպքում կարող են ընդունվել կորոնավիրուսով վարակված մարդիկ: Այս մասին VERELQ-ի հետ զրույցում ասաց պարետատան մամուլի հարցերի պատասխանատու Մանե Գևորգյանը:


Նրա խոսքով՝ պարետատունը կորոնավիրուսի համաճարակի տարածման դեմ պաքարի շրջանակում տարբեր սցենարներ է քննարկում, և ըստ այդմ՝ Մարզահամերգային համալիրում, և ոչ միայն այնտեղ, նախապատրաստական աշխատանքներ են տարվում: «Նպատակն է, որ անհրաժեշտության պարագայում պատրաստ լինեն ընդունելու մեր համաքաղաքացիներին»,- ասաց նա՝ նկատելով, որ հնարավոր է՝ դրա կարիքը չլինի:


Տարածվող լուսանկարներում Մարզահամերգային համալիրի նախասրահում տեղադրված են բազմաթիվ մահճակալներ և տարածքը վերածվել է «մեծ հիվանդասենյակի»:


Հայաստանում մարտի 31-ին՝ ժամը 11:00-ի դրությամբ նոր կորոնավիրուսով վարակվելու 50 նոր դեպք է գրանցվել: Ընդհանուր առմամբ հանրապետությունում հաստատվել է կորոնավիրուսի 532 դեպք:


Վարչապետ Նիկոլ Փաշինյանը մարտի 31-ին հայտարարեց, որ կառավարությունը ստիպված է առնվազն 10 օրով երկարացնել խստացված սահմանափակումները։ Նրա խոսքով՝ իրավիճակը բավականին լուրջ է թե՛ աշխարհում, թե՛ Հայաստանում:


Կորոնավիրուսով վարակված անձանց մեծ մասը՝ 424 անձ, համաձայն պաշտոնական տեղեկատվության, ջերմություն չունեն, 90-ը թոքաբորբ ունեն, 30-ը գտնվում են ծանր վիճակում: Առողջացածների թիվը հասել է 31-ի: Երեք մահ է գրանցվել:


 

Եթե տեմպը պահպանվի ստիպված կլինենք առանց սիմպտոմներով պացիենտներին «բուժել» տանը. Թորոսյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար