Փաշինյանի անվտանգության աշխատակցի մոտ կորոնավիրուսի կասկածներ չկան. ԱՆ

Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան:

Ինչպես հայտնում է ՀՀ առողջապահության նախարարի խոսնակ Ալինա Նիկողոսյանը, վերջինս վատառողջ է եղել, անցել է որոշակի հետազոտութուններ և այժմ իրեն լավ է զգում:

Ավելի վաղ վրացական ԶԼՄ-ներում տեղեկատվություն էր հայտնվել, որ Փաշինյանի անվտանգության աշխատակիցներից մեկի մոտ կորոնավիրուսին բնորոշ նշաններ են նկատվել՝ բարձր ջերմություն և այլն: Նա շտապ տեղափոխվել է Նորքի ինֆեկցիոն հիվանդանոց հետազոտման: 

VERELQ-ը հիշեցնում է, որ այսօր Նիկոլ Փաշինյանը վերադարձել է Վրաստան կատարած պաշտոնական այցից: